Abdul Sattar | “मी नाराज नाही…”, कृषीमंत्री अब्दुल सत्तारांचं स्पष्टीकरण

Abdul Sattar | मुंबई : एकनाथ शिंदे (Eknath Shinde) गटाचा काल गुवाहाटी (Guwahati) दौरा होता. मात्र, या दौऱ्याला अनेक नेते जाणार नसल्याने राजकीय चर्चांना उधाण आलं आहे. अशातच कृषीमंत्री अब्दुल सत्तार (Abdul Sattar) देखील या दौऱ्यावर नसल्याने ते नाराज असल्याच्या चर्चा रंगू लागल्या. यावरच आता अब्दुल सत्तारांनी स्पष्टीकरण दिलं आहे.

नाशिक येथील कृषी प्रदर्शनाला येणे निश्चित होते. त्यामुळेच गुवाहाटीला जाऊ शकलो नाही. मी अजिबात नाराज नाही. आमचा मुख्यमंत्र्यांवर पूर्णपणे विश्वास आहे आणि आमचं सगळं चांगलं सुरू असल्याचं अब्दुल सत्तार यांनी म्हटलं आहे.

दरम्यान, कामाख्या देवीला जाण्यासाठी आजचाच दिवस आहे, असे नाही. नंतर कधी तरी जाईन. मुख्यमंत्री गुवाहाटीला गेले म्हणजे संपूर्ण महाराष्ट्र गेल्यासारखेच आहे. मुख्यमंत्र्यांच्या मनगटात एवढा जोर आहे की, ते दुसऱ्याला भविष्य विचारण्यासाठी हात दाखवणार नाही, असं देखील ते म्हणाले.

महत्वाच्या बातम्या :