Ayodhya verdict: मुंबई ‘अलर्ट’; मुंबई पोलिसांच्या मदतीला अतिरिक्त पोलीस बंदोबस्त

संपूर्ण देशाचे लक्ष लागलेल्या वादग्रस्त अयोध्या खटल्याचा शनिवारी निकाल लागणार असल्याने गुप्तचर विभागाने दिलेल्या सूचनेनंतर मुंबई शहरात कडेकोट पोलीस बंदोबस्त तैनात ठेवण्यात आला आहे. या निकालानंतर वादग्रस्त मॅसेज व्हायरल होऊन वातावरण अधिक चिघळू नये म्हणून पोलिसांनी सोशल मिडीयावर विशेष नजर ठेवली आहे. सर्व पोलिसांच्या सुट्ट्या रद्द करण्यात आल्या असून नाकाबंदी, कोम्बिंग ऑपरेशनसह गस्तीवर अधिक भर देण्याचे आदेश जारी करण्यात आले आहे.

मुंबई पोलिसांच्या मदतीला अतिरिक्त पोलीस बंदोबस्त मागविण्यात आला असून गर्दीच्या ठिकाणी, महत्त्वाच्या रेल्वे स्थानके, शासकीय आणि प्रशासकीय तसेच प्रमुख मंदिरासह प्रार्थनास्थळावर जास्त पोलीस बंदोबस्त ठेवण्यात आला आहे. या निकालाच्या पार्श्‍वभूमीवर देशभरात कुठेही अनुचित प्रकार घडू नये म्हणून पोलिसांनी योग्य ती खबरदारी घेतली आहे.

अयोध्या खटल्याच्या निकालाच्या पार्श्वभूमीवर मुंबईसह उपनगरांमध्ये कलम १४४ लागू करण्यात आले आहे. या जमावबंदी आदेशानुसार, एका जागी पाच किंवा त्यापेक्षा अधिक व्यक्ती एकत्र येण्यास मनाई करण्यात आली आहे. सकाळी ११ वाजल्यापासून हा जमावबंदी आदेश लागू होईल. शहरात विशेष पोलीस बंदोबस्त ठेवण्यात आला आहे. धार्मिक स्थळांसह धार्मिक तेढ निर्माण होण्याची शक्यता असलेल्या संवेदनशील ठिकाणांवर पोलीस बंदोबस्तात वाढ करण्यात आली आहे. खबरदारी म्हणून पोलिसांनी सोशल नेटवर्किंग साइट्सवर करडी नजर ठेवली आहे. कुणीही अफवा पसरवण्यात येऊ नयेत, असं आवाहन पोलिसांकडून करण्यात आले आहे.

Loading...
महत्वाच्या बातम्या

या बातमीवर तुमची कमेंट लिहा

Your email address will not be published.

This site uses Akismet to reduce spam. Learn how your comment data is processed.