InShorts Marathi
InShorts Marathi – मराठीत कमीत-कमी शब्दात बातमी देणारी वेबसाईट

- Advertisement -

“बिंदुसरा’ काठोकाठ; “माजलगाव’ मध्ये 71 टक्के जलसाठा

- Advertisement -

बीड : जिल्ह्यात गेल्या 13 दिवसांपासून सुरू असणाऱ्या परतीच्या पावसामुळे येथील प्रकल्पात 42.28 टक्के पाणीसाठा जमा झाला आहे. तालुक्‍यातील बिंदुसरा प्रकल्प 93.99 टक्के, तर माजलगाव प्रकल्प 71.47 टक्के भरला आहे.

मांजरा प्रकल्प मृतसाठ्यातून जोत्याखाली आले आहे. यासह 35 प्रकल्प 100 टक्के भरले असून 32 प्रकल्प अजूनही कोरडेच आहेत. यासह 32 प्रकल्प जोत्याखाली असून 25 ते 50 टक्‍क्‍यांत 14 प्रकल्प आहेत. 75 टक्‍क्‍यांत पाच प्रकल्प आहेत. जिल्ह्यात आतापर्यंत वार्षिक सरासरीच्या तुलनेत 95.34 टक्के पाऊस झाला आहे.

Loading...

जिल्ह्यात गेल्या वर्षी सरासरीच्या तुलनेत निम्माच पाऊस झाला होता. यामुळे जिल्हाकरांना दुष्काळाच्या झळा सोसाव्या लागल्या होत्या. यंदा जिल्ह्यात दमदार पावसाने मॉन्सूनची सुरवात झाली होती; परंतु नंतरच्या मॉन्सूनमध्ये जिल्ह्यात पावसाने हुलकावणी दिली. यामुळे भरपावसाळ्यात जिल्ह्यात टॅंकर व चारा छावण्या जिल्हा प्रशासनास सुरू ठेवाव्या लागल्या होत्या; परंतु शुक्रवारपासून (ता. 18) जिल्ह्यात सुरू झालेल्या परतीच्या पावसामुळे जिल्ह्यातील पाणीसाठ्यात मोठ्या प्रमाणात वाढ झाली आहे.

परतीच्या पावसामुळे वार्षिक सरासरी पाऊस 95 च्या पुढे ढकलली आहे. जिल्ह्यातील 144 प्रकल्पांपैकी 32 प्रकल्प अजूनही कोरडेच आहेत. बाकीच्या प्रकल्पात बऱ्यापैकी पाणीसाठा जमा झाला आहे. तीन महिन्यांपूर्वीच जिल्ह्यातील प्रकल्पात फक्त 0.22 टक्के पाणीसाठा होता; परंतु सध्या परतीच्या पावसामुळे जिल्ह्यातील पाणीसाठा शून्य टक्‍क्‍यावरून 42.28 टक्‍क्‍यावर गेला आहे.

Loading...

- Advertisement -

परतीच्या पावसामुळे जिल्ह्यातील दुष्काळ हटण्यास मोठी मदत मिळाली आहे. जिल्ह्यातील पाणीसाठा जरी वाढला असला तरी परतीच्या पावसामुळे जिल्ह्यातील खरीप पिकांचे मोठ्या प्रमाणात नुकसान झाल्यामुळे शेतकरी परत आर्थिक संकटात सापडले आहेत. या पावसाचा रब्बीच्या पिकांना मोठ्या प्रमाणात फायदा होणार आहे.

शहरकरांचा पाणीप्रश्‍न मिटला

बीड शहराला माजलगाव व बिंदुसरा या दोन प्रकल्पातून नळाद्वारे पाणीपुरवठा करण्यात येतो; परंतु गेल्या वर्षी अल्प प्रमाणात पडलेल्या पावसामुळे शहरकरांना 15 ते 20 दिवसांआड पाणीपुरवठा करण्यात येत होता. सध्या माजलगाव धरण 71.47 टक्के भरले, तर बिंदुसरा धरण 93.99 टक्के भरले आहे. यामुळे शहरकरांचा पाणीप्रश्‍न मिटला आहे. नगरपालिकेने योग्य नियोजन केले, तर शहरकरांना चार दिवसांआड पाणीपुरवठा होऊ शकतो.

गलिच्छ राजकारणातून जनतेनं मला मुक्त केलं – पंकजा मुंडे

Get real time updates directly on you device, subscribe now.

- Advertisement -

या बातमीवर तुमची कमेंट लिहा

Your email address will not be published.

This site uses Akismet to reduce spam. Learn how your comment data is processed.