गडचिरोली, छत्तीसगड येथील हल्ल्याला काँग्रेस सरकार जबाबदार; भाजप आमदाराचे वक्तव्य

कर्नाटकमधील चिकमंगळूर येथील भाजपाचे आमदार सी. टी. रवी यांनी ट्विट करुन गडचिरोलीतील हल्ल्यासाठी काँग्रेसला जबाबदार धरत गडचिरोली छत्तीसगडमध्ये असल्याचे म्हटले आहे. रवी यांनी केलेल्या ट्विटमध्ये, ‘गडचिरोलीमध्ये झालेल्या भ्याड नक्षली हल्ल्यात आपले शूर जवान शहिद झाले. शहीद जवानांसाठी मी प्रार्थना करतो. छत्तीसगडमध्ये काँग्रेस सत्तेत आल्यापासून देशद्रोह्यांना नवसंजीवनी मिळाली आहे. त्यांना शोधून कठोर शिक्षा द्यायला हवी’ असे म्हटले आहे.

रवी यांच्या या ट्विटनंतर अनेकांनी त्यांना गडचिरोली छत्तीसगडमध्ये नसून महाराष्ट्रात असल्याचे सांगितले आहे. नक्षली हल्ल्याचे राजकारण करताना कमीत कमी हल्ला झालेले ठिकाण कुठे आहे याची तरी माहिती करुन घ्या असंही नेटकऱ्यांनी रवी यांना सुनावले आहे.

महत्त्वाच्या बातम्या –

महत्वाच्या बातम्या
या बातमीवर तुमची कमेंट लिहा