InShorts Marathi
InShorts Marathi – मराठीत कमीत-कमी शब्दात बातमी देणारी वेबसाईट

पवार साहेब माझ्यासाठी देव माणूस- आत्महत्याग्रस्त शेतकऱ्याचा मुलगा

पवार साहेबांनी दिलेला शब्द पाळला आणि नोकरीला लावले. म्हणून पवार साहेब माझ्यासाठी देवमाणूस. सरकारने पाठ फिरवली. पण लोकसभा निवडणूकीच्या धामधुमीत व्यस्त असतानाही त्यांनी दिलेला शब्द ते विसरले नाही, अशी माहिती आर्थिक पिळवणूकीला कंटाळून आत्महत्या करणाऱ्या दिलीप ढवळे यांच्या मुलाने दिली.

१२ एप्रिल रोजी उस्मानाबादमधील दिलीप ढवळे यांनी काही स्थानिक आधुनिक सरंजामदारांनी केलेल्या आर्थिक पिळवणूकीला कंटाळून आत्महत्या केली होती. तेव्हा लोकसभेची निवडणूक लागलेली आणि प्रचाराचा धुमाकूळ चालू होता. दिलीप ढवळे याने आत्महत्या केल्याने महाराष्ट्रात खळबळ उडाली होती. घटना घडल्यनंतर चार-पाच दिवसांनी मा.शरद पवार साहेबांनी आमच्या घरी भेट दिली.

पवार साहेब गेल्यानंतर इतर राजकीय लोकांप्रमाणे त्यांचे अश्‍वासनही विरुन जाईल असे वाटले. कारण सांत्वन करताना एक आधार म्हणून बोलणे आणि नक्कीच आधार देणे यात फार फरक असतो.आणि राजकारणातील लोकांकडून तरी अश्‍वासनाची पूर्तता होताना याची देही याची डोळा कधी आमच्या जिल्ह्यात तरी पाहिलेले नाही. म्हणून त्याही बाबतीत आमची उदासिनता कायम होती. परंतु साहेबांनी भेट देऊन चार दिवसही गेले नाहीत तर बारामतीहून विद्या प्रतिष्ठान मधून फोन आला.

3 जून पासून कामावर रुजू होण्यासाठी सांगितले. या कालावधीमध्ये निवडणूका, प्रचार, निकाल या सगळ्या गोष्टी होत होत्या. तरीही पवार साहेब या व्यस्त कामातून वेळ काढून संस्थेमध्ये निखील ला घेतले की नाही याची चौकशी करत होते. म्हणजे दिलेला शब्द पाळला, अशी माहिती राज ढवळे यांनी दिली.

या घटनेला जबाबदार असणार्‍या संबंधित लोकांवर गुन्हे दाखल झाले नाही. तसेच आत्महत्याग्रस्त कुटुंबियांनाही शासनाकडून अद्यापही कोणती मदत मिळाली नाही.

शासकीय नोकरीत दिव्यांगांसाठी ४ टक्के आरक्षण – राज्यमंत्री दिलीप कांबळे

Get real time updates directly on you device, subscribe now.

Comments are closed.