Mercedes Benz Car Launch | टीम महाराष्ट्र देशा: लोकप्रिय वाहन उत्पादक कंपनी मर्सिडीज बेंज (Mercedes Benz) नवीन वर्षाच्या सुरुवातीला आपली Mercedes Benz AMG E53 Cabriolet लाँच करणार आहे. कंपनी ही कार 6 जानेवारी 2023 रोजी भारतामध्ये लाँच करणार आहे. भारतामध्ये ही कार CBU मार्गाने येणार आहे. त्यामुळे या गाडीची किंमत जवळपास 1.2 कोटी रुपये असण्याची शक्यता आहे. कंपनीची AMG E53 Cabriolet कार E53 AMG सेडान टू-डोअर, 4-सीटरचे बदल केलेले व्हर्जन आहे. कंपनी आता भारतीय बाजारामध्ये आपले AMG मॉडेल सादर करत आहे.
फीचर्स
Mercedes Benz AMG E53 Cabriolet या कारच्या आतील भागामध्ये E53 सेडानप्रमाणे डॅशबोर्ड आउटलेट आणि डिजाइन असेल. त्याचबरोबर या कारमध्ये बर्मेस्टर साउंड सिस्टम, 12.3-इंच डिजिटल इन्स्ट्रुमेंट क्लस्टरसह फ्लॅट-बॉटम एएमजी स्टीयरिंग व्हील, सभोवतालची प्रकाश व्यवस्था, हवेशीर जागा, एम-बक्स-कनेक्टेड कार टेकसह 12.3-इंच टचस्क्रीन इन्फोटेनमेंट इत्यादी फीचर्स उपलब्ध असतील.
इंजिन
या नवीन कारमध्ये 3.0L टर्बोचार्ज्ड, 6-सिलेंडर इंजिन पर्याय उपलब्ध असेल. हे इंजिन 435bhp पॉवर आणि 520Nm टार्क निर्माण करण्यास सक्षम आहे. त्याचबरोबर हे इंजिन 9-स्पीड ड्युअल क्लच ऑटोमॅटिक ट्रान्समिशनशी जोडले गेलेले आहे. ही कार फक्त 4.6 सेकंदामध्ये 0-100 किमी प्रतितास वेग गाठू शकते, असा कंपनीने दावा केला आहे.
Mercedes Benz AMG E53 Cabriolet ही कार बाजारामध्ये उपलब्ध असलेल्या BMW X6 या कारसोबत स्पर्धा करेल. BMW X6 मध्ये 2998cc, 6-सिलेंडर, पेट्रोल इंजिन उपलब्ध आहे. ही कार 5-सीटर पर्यायामध्ये बाजारात उपलब्ध आहे. या कारची एक्स-शोरुम किंमत 1.04 कोटी रुपये आहे.
महत्वाच्या बातम्या
- Team India | वर्ल्ड कपसाठी BCCI ने घेतले ‘हे’ तीन महत्त्वाचे निर्णय
- Weather Update | राज्यात वर्षाच्या पहिल्याच आठवड्यात थंडीचा कहर, तापमानात होणार आणखी घट
- PAK vs NZ | पत्रकार ओरडल्यावर बाबर आझमने दिले भयानक रिएक्शन, पाहा VIDEO
- Salt Side Effects | अतिरिक्त मिठाचे सेवन केल्याने निर्माण होऊ शकतात ‘या’ समस्या
- Upcoming Car Launch | पुढच्या वर्षाच्या सुरुवातीला लाँच होऊ शकतात ‘या’ धमाकेदार कार