InShorts Marathi
InShorts Marathi – मराठीत कमीत-कमी शब्दात बातमी देणारी वेबसाईट

मुलाच्या पराभवानंतर नारायण राणे अमित शाहांच्या बैठकीसाठी दिल्लीला रवाना

लोकसभा निवडणुकीत महाराष्ट्र स्वाभिमान पक्षाला रत्नागिरी – सिंधुदुर्गमध्ये पराभवाचं तोंड पाहावं लागलं. माजी मुख्यमंत्री आणि महाराष्ट्र स्वाभिमान पक्षाचे अध्यक्ष नारायण राणे यांचा मुलगा माजी खासदार निलेश राणे रत्नागिरी – सिंधुदुर्ग लोकसभा मतदारसंघातून उभे होते. पण, शिवसेना खासदार विनायक राऊत यांनी त्यांचा सलग दुसऱ्यांदा पराभव केला. पराभव जिव्हारी लागलेल्या नारायण राणे यांनी यापुढे निवडणूक लढवावी की नाही? याचा विचार करावा लागेल असं विधान केलं होतं. निकालाच्या दोन दिवसानंतर नारायण राणे दिल्लीला रवाना झाले आहेत.

नारायण राणे हे भाजपच्या कोट्यातील राज्यसभा खासदार आहेत. भाजपचे राष्ट्रीय अध्यक्ष अमित शहा यांनी दिल्लीत भाजपच्या खासदारांची बैठक बोलावली आहे. दिल्लीच्या सेंट्रल हॉलमध्ये 4 वाजता ही बैठक होणार आहे. नारायण राणेंना देखील या बैठकीचं निमंत्रण आहे. त्यामुळे नारायण राणे हे या बैठकीकरता दिल्लीला रवाना झाले आहेत.

महत्त्वाच्या बातम्या –

Get real time updates directly on you device, subscribe now.

Comments are closed.