Nilesh Rane | “हा व्यक्ती स्वतः वडिलांच्या पेन्शनवर जगतोय”; निलेश राणेंची उद्धव ठाकरेंवर टीका

Nilesh Rane | मुंबई : राज्यात सध्या अनेक विषयांवरुन राजकारण सुरु आहे. त्यातच आता नव्या विषयाची चर्चा रंगली आहे. ती म्हणजे राज्यात जुनी पेन्शन योजना सुरु करण्याची मागणी राज्यातील लाखो कर्मचाऱ्यांनी केली आहे. याच मुद्द्यावरुन सत्ताधारी आणि विरोधकांमध्ये तुफान कलगितुरा रंगला आहे. जुनी पेन्शन सुरु करण्याची मागणी करत राज्यातील १७ लाख सरकारी कर्मचाऱ्यांनी याविरोधात संप देखील पुकारला आहे. यावर राज्याचे उपमुख्यमंत्री देवेंद्र फडणवीसांनी संप मागे घेण्याचं आवाहनही कर्मचाऱ्यांना केले आहे.

उद्धव ठाकरेंचं जुन्या पेन्शनबाबत वक्तव्य

अशातच आता महाराष्ट्राचे माजी मुख्यमंत्री उद्धव ठाकरेंनी यांनी शिंदे-फडणवीसांवर टीका करताना म्हणाले की, ‘मी आत मुख्यमंत्री असतो तर जुनी पेन्शन योजना लागू केली असती’, असं म्हणाले होते. त्यांच्या याच वक्तव्यावरुन भाजप नेते निलेश राणे यांनी ट्वीट करत उद्धव ठाकरेंवर बोचरी टीका केली आहे.

निलेश राणेंची उद्धव ठाकरेंवर टीका

“हा व्यक्ती स्वतः वडिलांच्या पेन्शन वर जगतोय”, असं म्हणत निलेश राणेंनी उद्धव ठाकरेंवर निशाणा साधला आहे.

मी आता मुख्यमंत्री असतो तर जुनी पेन्शन योजना लागू केली असती…. उद्धव ठाकरे.

हा व्यक्ती स्वतः वडिलांच्या पेन्शन वर जगतोय.

— Nilesh N Rane (@meNeeleshNRane) March 16, 2023

“जुन्या पेन्शन योजनेसाठी सरकारी कर्मचारी संपावर गेले आहेत. सरकारला टाळे ठोकले आहे. सरकारने जुनी पेन्शन लागू करायला काय हकरत आहे? मुख्य म्हणजे सरकारला इतकी मोठी महाशक्ती पाठिशी असताना सरकारला भार वाढण्याची चिंता नसावी”, असंही उद्धव ठाकरे म्हणाले आहेत.

2005 मध्ये अटलजींचं सरकार हिंदुस्थानात होतं हा नवीन शोध उद्धव ठाकरेंनी लावलाय.

दुर्दैव आहे महाराष्ट्राचं इतका बिनडोक माणूस महाराष्ट्राचा मुख्यमंत्री होऊन गेला, ज्यांना साधा ग्रामपंचायतचा कारभार माहीत नाही तो माणूस अडीच वर्ष महाराष्ट्राची वाट लावून गेला. pic.twitter.com/OnegO3frlA

— Nilesh N Rane (@meNeeleshNRane) March 16, 2023

“सरकारी कर्मचाऱ्यांच्या पाठिशी ठाकरे गट ठामपणे उभा”

“सरकारी कर्मचारी आणि त्यांच्या कुटुंबियांच्या पाठिशी ठाकरे गट ठामपणे उभा आहे. देशातील काही राज्यांनी जुनी पेन्शन योजना लागू केली आहे. मग फडणवी- मिधे सरकार याबाबत आट्या पाट्या का खेळत आहे? जे हक्काचं आहे ते कर्मचाऱ्यांना मिळालंच पाहिजे”, असं उद्धव ठाकरे म्हणाले आहेत.

महत्वाच्या बातम्या-

• Ajit Pawar | अधिवेशानात अजित पवार बोलताना भाजप आमदार मध्येच बोलले; पवारांची हातवारे करत फडणवीसांकडे तक्रार
• Budget Session 2023 | “त्यांचं सरकार होतं तेव्हा माझ्या…”; पत्नीबाबत देवेंद्र फडणवीसांचे धक्कादायक खुलासे
• Delhi Capitals | अखेर दिल्ली कॅपिटल्सचं ठरलं! ‘हा’ दिग्गज खेळाडू करणार संघाचे नेतृत्व
• Job Opportunity | ब्रॉडकास्ट इंजीनियरिंग कन्सल्टेड इंडिया (BECIL) यांच्यामार्फत ‘या’ पदांच्या रिक्त जागा भरण्यासाठी जाहिरात प्रसिद्ध
• Weather Update | राज्यात पुण्यासह ‘या’ जिल्ह्यात ऑरेंज अलर्ट