InShorts Marathi
InShorts Marathi – मराठीत कमीत-कमी शब्दात बातमी देणारी वेबसाईट
Loading...

“काँग्रेसचे अध्यक्षपद दिल्यास शरद पवार राष्ट्रवादी काँग्रेस पक्ष काँग्रेसमध्ये विलीन करतील”

‘राष्ट्रवादी काँग्रेसचे अध्यक्ष शरद पवार यांना काँग्रेसचे अध्यक्षपद दिल्यास ते राष्ट्रवादी काँग्रेस पक्ष काँग्रेसमध्ये विलीन करतील,’ असं वक्तव्य रिपब्लिकन पक्षाचे राष्ट्रीय अध्यक्ष रामदास आठवले यांनी केले आहे. ‘राष्ट्रवादी काँग्रेस आणि काँग्रेस हे दोन्ही पक्ष थकले आहेत. भविष्यात आम्ही एक होऊ’, असं मत राज्याचे माजी मुख्यमंत्री सुशीलकुमार शिंदे यांनी व्यक्त केलं होतं. याच पार्श्वभूमीवर आठवले यांनी हे वक्तव्य केलं आहे.

काँग्रेस आणि राष्ट्रवादी काँग्रेसच्या विलीनीकरणासंदर्भात आठवले यांना एका मुलाखतीदरम्यान प्रश्न विचारण्यात आला यावेळी त्यांनी शरद पवारांना आपण फार पूर्वी याबद्दल सल्ला दिली होती अशी आठवण सांगितली. ‘विलीनीकरण करावे की नाही त्यांनी ठरवावं. मी त्यांच्याबरोबर होतो तेव्हा मी पवारांना सल्ला दिला होती की वेगळी काँग्रेस चालवण्यापेक्षा आपण सोनिया गांधी यांच्याशी भेटून चर्चा करावी. सोनिया गांधी अध्यक्ष आहेत आपण कार्यकारी अध्यक्ष व्हावे. काही काळानंतर तुम्हाला अध्यक्षपद मिळण्याची शक्यता आहे. तुमची इच्छा प्रधानमंत्री होण्याची आहे तर अशी परिस्थिती आल्यास कदाचित तुमचा नंबर लागू शकेल. फक्त राष्ट्रवादी पक्ष चालवून शरद पवार कधीतरी पंतप्रधान होतील अशा स्वप्नांमध्ये राहून चालणार नाही असं मी त्यांना पूर्वी सांगितलं होतं. त्यावेळेला त्यांनी अशी काही शक्यता नसल्याचे मत व्यक्त केलं होतं,’ असं आठवले म्हणाले.

 

Loading...
Loading...
You might also like
Loading...

या बातमीवर तुमची कमेंट लिहा

Your email address will not be published.

This site uses Akismet to reduce spam. Learn how your comment data is processed.