InShorts Marathi
InShorts Marathi – मराठीत कमीत-कमी शब्दात बातमी देणारी वेबसाईट

चार आमदारांनी दिलेले राजीनामे हरिभाऊ बागडेंनी स्विकारले

विविध कारणास्तव राजीनामा दिलेल्या चार आमदारांचे राजीनामे विधानसभा अध्यक्ष हरिभाऊ बागडे यांनी मंजूर केले. यामध्ये धुळ्याचे बंडखोर आमदार अनिल गोटे यांच्यासह शिवसेनेचे सुरेश धानोरकर, प्रताप पाटील चिखलीकर, आणि हर्षवर्धन जाधव यांचा समावेश आहे.

या चारही आमदारांनी लोकसभेपूर्वी आपल्या आमदारकीचे राजीनामे दिले होते. धुळे महानगरपालिका निवडणुकीत बंडखोरी केलेल्या आमदार अनिल गोटे यांची भाजपमधून हकालपट्टी करण्यात आली आहे. लोहा-कंधार विधानसभा मतदारसंघातील शिवसेनेचे आमदार प्रताप पाटील-चिखलीकर यांना भाजपने लोकसभेची उमेदवारी दिल्याने चिखलीकर यांनी आमदारकीचा राजीनामा दिला होता.

कन्नड विधानसभा मतदारसंघाचे आमदार हर्षवर्धन जाधव यांनी मराठा आरक्षणाच्या मागणीवरून राजीनामा दिला असल्याचे स्पष्ट केले होते. वरोरा विधानसभा मतदारसंघाचे शिवसेनेचे आमदार सुरेश बाळू धानोरकर यांनी भाजपकडून अपमानास्पद वागणूक मिळत असल्याचे सांगत राजीनामा दिला होता.

महत्त्वाच्या बातम्या –

Get real time updates directly on you device, subscribe now.

Leave a Reply