दहावी, बारावी परीक्षेचं संभाव्य वेळापत्रक जाहीर

आणि बारावीच्या फेब्रुवारी-मार्च 2020 मध्ये होणार्‍या लेखी ंचे संभाव्य मंगळवारी महाराष्ट्र राज्य माध्यमिक व उच्च माध्यमिक शिक्षण मंडळाकडून करण्यात आलं आहे. बारावीची  18 फेब्रुवारीला तर दहावीची 3 मार्चपासून सुरू होणार आहे. परीक्षेचे सविस्तर वेळापत्रक मंडळाच्या www.mahahsscboard.maharashtra.gov.in संकेतस्थळावर उपलब्ध करण्यात आले आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या विभागीय मंडळांतर्फे दहावी व बारावीच्या परीक्षा घेण्यात येणार आहेत. मंडळाने जाहीर केलेल्या संभाव्य वेळापत्रकानुसार बारावीची लेखी परीक्षा 18 फेब्रुवारी ते 18 मार्च 2020 दरम्यान होणार आहे. तर दहावीची परीक्षा 3 ते 23 मार्च 2020 दरम्यान होणार आहे. दहावी आणि बारावीच्या परीक्षांच्या तारखांबाबत राज्यातील लाखो विद्यार्थी पालकांना प्रतीक्षा असते.

विद्यार्थ्यांना अभ्यासाचे नियोजन करता यावे व त्यांच्या मनावरील ताण कमी करण्याच्या दृष्टीने हे वेळापत्रक लवकर जाहीर केल्याची माहिती राज्य शिक्षण मंडळाने परिपत्रकाद्वारे दिली आहे. परीक्षेपूर्वी शाळा आणि ज्युनियर कॉलेजकडे छापील स्वरुपात पाठवण्यात येणारे वेळापत्रक हे अंतिम असणार आहे, असं मंडळाकडून जाहीर करण्यात आलं आहे.

संभाव्य वेळापत्रक जाहीर करण्याबरोबरच प्रात्यक्षिक परीक्षा, श्रेणी-तोंडी परीक्षा किंवा इतर विषयांचे वेळापत्रक शाळा आणि ज्युनियर कॉलेजना स्वतंत्रपणे कळवण्यात येणार आहे. परीक्षेच्या तारखांवर कोणाला आक्षेप असल्यास 15 दिवसांत त्यासंदर्भातील तक्रारी मंडळाकडे करण्यात यावे, असेही मंडळाने स्पष्ट केलं आहे.

महत्वाच्या बातम्या

या बातमीवर तुमची कमेंट लिहा

Your email address will not be published.

This site uses Akismet to reduce spam. Learn how your comment data is processed.