युवासेनेच्या कार्यकर्त्यांची अभाविपच्या कार्यकर्त्यांना मारहाण

मुंबई विद्यापीठाच्या कल्याण उपकेंद्राच्या एका कार्यक्रमात अखिल भारतीय विद्यार्थी परिषद (ABVP) आणि युवासेनेच्या कार्यकर्त्यांत जोरदार राडा झाला. युवासेना प्रमुख आदित्य ठाकरे यांच्या उपस्थितीत युवासेनेच्या कार्यकर्त्यांनी अभाविपच्या कार्यकर्त्यांना मारहाण केली. कुलगुरू यांचे भाषण सुरू झाल्यानंतर अभाविपच्या कार्यकर्त्यांनी निषेधाच्या घोषणा दिल्याने हा राडा झाल्याचे सांगण्यात येत आहे.

तीन वर्षांपासून उद्घाटनाच्या प्रतीक्षेत असलेल्या मुंबई विद्यापीठाच्या कल्याण उपकेंद्राला अखेर आजचा मुहूर्त मिळाला. या कार्यक्रमासाठी युवासेना प्रमुख आदित्य ठाकरे कार्यक्रमस्थळी पोहोचले. कुलगुरू यांचं भाषण सुरू झाल्यानंतर अभाविपच्या कार्यकर्त्यांनी निषेधाच्या घोषणा दिल्या. त्यामुळे या ठिकाणी एकच गोंधळ उडाला. अभाविप आणि युवासेनेच्या कार्यकर्त्यांत आरोप-प्रत्यारोप झाले. अभाविपच्या कार्यकर्त्यांनी जोरदार घोषणाबाजी सुरूच ठेवल्याने संतापलेल्या युवासेनेच्या कार्यकर्त्यांनी अभाविपच्या कार्यकर्त्यांना मारहाण केली. हा सर्व प्रकार आदित्य ठाकरे यांच्या उपस्थित झाल्याने या ठिकाणी चांगलाच गोंधळ उडाला होता.

महत्वाच्या बातम्या-

Loading...
महत्वाच्या बातम्या

या बातमीवर तुमची कमेंट लिहा

Your email address will not be published.

This site uses Akismet to reduce spam. Learn how your comment data is processed.